Непэ Адыгэ Республикэм ыкlи зэрэдунаеу щыпсэурэ адыгэхэм Кавказ заом хэкIодагъэхэм афэгъэхьыгъэ шъыгъо-шIэжь мафэ хагъэунэфыкlы.

Непэ Адыгэ Республикэм ыкlи зэрэдунаеу щыпсэурэ адыгэхэм Кавказ заом хэкIодагъэхэм афэгъэхьыгъэ шъыгъо-шIэжь мафэ хагъэунэфыкlы.

Россием ыкlи Кавказ лъэпкъхэм яхъишъэ хэтыгъэ анахь хъугъэ-шIэгъэ гугъэузхэм ащыщ къыпхырыкlыгъэхэм, ыкlи хьазабышхо зыщэчыгъэ цlыфхэм апае непэ тэшъыгъо. А заом гууз-лыузышхо къыздихьыгъ, бэ хэкIодагъэр, ащ итыркъо лIэуж пчъагъэмэ къатенэжьыщт.

Тятэжъ пIашъэхэм ялIыхъужъныгъэрэ япсэемыблэжьыныгъэрэ тщыгъупшэрэп, мамыр щыIакIэм уасэу иIэр ыкIи тарихъ шIэжьыр щыIэным мэхьанэшхо зэриIэр къыдгурэIо. КъыткIэхъухьащтхэм апашъхьэ пшъэдэкIыжьэу щытхьырэр икъоу зэхатшIэзэ, тиижъырэ чIыгу ренэу мамырныгъэ илъыным, лъэпкъ зэфэшъхьафхэм къахэкIыгъэхэмрэ дин зэмылIэужыгъохэр зылэжьыхэрэмрэ зэгурыIонхэм, тигупсэ Адыгеим хэхъоныгъэ ышIыным, Урысые Федерациер джыри нахь зэтегъэпсыхьагъэ хъуным тиIахьышхо хэтшIыхьаным кIуачIэу тиIэр зэкIэ етхьылIэщт.

Тятэжъ пIашъэхэр зыщытымыгъэгъупшэхэу, тарихъым идесэ тхьамыкIагъохэм тарыгъуазэзэ, неущрэ мафэм тицыхьэ телъэу тыфэкIо. ЛIэшIэгъубэ къызэпызычыгъэ тикультурэрэ тишэн-хабзэхэмрэ IэубытыпIэ къызыфэтшIыхэзэ, тигухэлъхэм тафэкIон, цIыф лъэпкъ зэфэшъхьафхэм азыфагу илъ зэгурыIоныгъэр, шъхьэкIэфэныгъэр къэтыухъумэн, Урысыем изыкIыныгъэ дгъэпытэн фае.

Урысые Федерацием и Президентэу Владимир Путиным зэрэхигъэунэфыкIыгъэу, «цIыф лъэпкъ зэфэшъхьафхэу тихэгъэгу щыпсэухэрэм якультур, абз, яшэн-хабзэхэр, язэкъошныгъ ары ащ кIуачIэ къезытырэри, лъэпсэ пытэ фэхъурэри. Тарихъым исыд фэдэрэ къэгъэзапIи ары тыхэзыщыжьыгъэр, шIэныгъэм, искусствэм текIоныгъэшхохэр ащытшIынхэмкIи, ЯтIонэрэ дунэе заом ТекIоныгъэр къыщыдэтхынымкIи, нацизмэр зэхэткъутэнымкIи лъэпсэшIу хъугъэр».

Непэ тичIыпIэгъухэу хэушъхьафыкIыгъэ дзэ операцием хэлажьэхэрэр Украинэм инеонацистхэм апэуцужьых, къушъхьэчIэс лIыхъужъхэм зэряпэсыгъэу, ятэжъ пIашъэхэр ящысэтехыпIэу япшъэрылъ агъэцакIэ. Урысыем щыпсэурэ нэмыкI цIыф лъэпкъхэм къахэкIыгъэхэм ягъусэхэу Адыгеим икIыгъэ дзэ къулыкъушIэхэм Хэгъэгум ифедэхэр къагъэгъунэх, къыткIэхъухьащт лIэужхэм мамыр щыIакIэ яIэным фэбанэх.

Адыгеим щыпсэухэрэмрэ тихэгъэгушхо ис нэмыкI цIыф лъэпкъхэмрэ блэкIыгъэр зыщамыгъэгъупшэу, аIэ зэкIэдзагъэу ти Хэгъэгушхоу нахь зэтегъэпсыхьагъэ, нахь лъэш хъуным тапэкIи зэрэфэлэжьэщтхэм сицыхьэ телъ.

Жители Республики Адыгея, адыги всего мира отмечают сегодня День памяти и скорби по жертвам Кавказской войны. Мы склоняем головы в память о жертвах одного из самых трагических и сложных периодов в истории народов Кавказа и России. Эта война принесла боль, утраты и разрушения, оставив глубокий след в судьбах целых поколений.

Мы помним о мужестве и стойкости предков, о цене мирного неба и важности сохранения исторической памяти. Отчётливо осознавая свою ответственность перед будущими поколениями, мы стремимся делать всё возможное, чтобы на нашей древней земле всегда были мир, межнациональное и межконфессиональное согласие, чтобы родная Адыгея активно развивалась, внося значимый вклад в процветание Российской Федерации.

Сохраняя светлую память о предках и трагических уроках истории, мы обращаем свой взор в будущее. Мы должны создавать его, опираясь на мудрость многовековой культуры и традиций, всемерно содействовать сохранению национальной самобытности и беречь взаимопонимание и взаимоуважение между народами, многонациональное единство России как высшую ценность.

Как подчеркнул Президент Российской Федерации Владимир Владимирович Путин: «Наша многонациональная страна сложена из сотен культур, языков, традиций, и братство народов всегда было и остаётся её главной опорой, преимуществом, силой. Оно выручало нас на всех поворотах истории, помогало покорять новые вершины в науке, искусстве и просвещении, одержать победу во Второй мировой войне и сокрушить нацизм».

Сегодня наши земляки, сражаясь с неонацистами в зоне специальной военной операции, проявляя отвагу и героизм при выполнении боевых задач, своими действиями демонстрируют черты характера настоящих воинов-горцев, достойных памяти своих предков. Вместе с представителями других народов России военнослужащие из Адыгеи, с честью выполняя свой воинский долг, отстаивают интересы Отечества во имя мирного будущего для новых поколений.

Убежден, что, сохраняя память о прошлом, в том числе и трагических страницах истории, жители Адыгеи будут и впредь во взаимодействии со всеми народами нашей необъятной страны своими трудовыми и ратными свершениями обеспечивать процветание, мощь и величие нашей большой Родины.

Мурат Кумпилов